السلام
عليكم
مع
الإجازة جلست احوس باشياء ودي استغل وقتي فيها و بنفس الوقت استفيد من وقتي موب
اضيع وقت وبس ، في مقولة اعجبتني و صحيحة تمامًا تقول " عمل يُجهد خير من
فراغ يُفسد ".
الزبدة
اني يوم كنت حايسة مدري وش اسوي – لول ترا
اغلب حالي كذا بالإجازة ما علينا - ، دايم بتويتر اسوي فيفورت للاشياء الي ابي
اشوفها او اروق عليها بعدين – صليت الفجر مافيني نوم قلت يلا نوف روحي شيكي عليها
كان في فيديو الشخص كان يقول عنه ملهم جداً و كذا قلت يلا خن اشوفه صح انه حول 22
دقيقة و تعيجزت شوي بعدين قلت يلا وش وراي !
تفرجت
على الفلم الي كان عن زاك هذا الانسان الي كان مريض بعدين تشافى من مرضه بعدين
اصيب بمرض ثاني بس ايش ؟ هذا المرض قالوا له الدكاترة انو حتموت بعد كم شهر و ما
رح تطول ، الغريب بالموضوع انه ما قرر انه يجلس بالمستشفى و سوا دراما و اكتئب !
بالعكس قال حطلع و بجلس مع اهلي و الناس الي احبهم بعيش حياتي الي باقي منها .. اكثر
ما صدمني بالموضوع انه ما شاء الله انسان بشوش و يضحك و مبتسم طول الوقت صدق احس لو اني
قابلته ما بحس ان هذا الانسان ماله كثير و حيموت! قاعد نوعًا ما يصبر اهله اهو الي
يعطيهم الامل و التفاؤل من خلال تصرفاته ! طبعًا سوا زاك كل شي يبغاه بنفسه او ان
اهله ساعدوه بهذا الشي ..
حقيقة
ما تحسفت على ال 22 دقيقة الي جلست فيها اشوف الفلم .. صح وقتها كنت اضحك على
مواقفه او كنت اصيح على المواقف الثانية بس صدق هذا الانسان صدمني جداً بطريقة
تعامله مع وضعه ! بعدها جلست اسولف لماما عنه و قلت لها " تصدقين يمه ياليته
مسلم " ، الكلمة مالها اي دخل بالعنصرية و كذا بس صدق اتحسف و انقهر اننا ما
نتعامل مع اي موقف بحياتنا زي كذا ، قاعدين نتذمر من اتفه الاشياء الي تصير لنا !
حنا احق بأننا نسوي هالاشياء لان ديننا علمنا على كذا .. علمنا على اننا نصبر على
ما يجينا و بعد هالصبر في شي عظيم جميل حيجي ! بس المجتمع بشكل "اغلب" و
ليس الكل اتوقع اننا نتعلم شي و نطبق عكسه ! كمثال .. رسولنا صلى الله عليه وسلم
قال :- "أن ابتسامتك في وجه اخيك صدقة" – او فيما معناه .. اغلبنا يدري
عن هالمعلومة و كلنا درسناها بس السؤال هل احنا قاعدين نطبقها ؟ كمجتمع ؟ الاغلب
لا .. الاغلب لما يبتسم بوجه احس يحس انه سبيّكة او انه موب ثقيل اغلبهم الحين لما
يكشر يحس انه انا الكشخة الي ما اعطي احد وجه ! للاسف...
لو
نشوف الجانب الثاني الي نقدر نقول عنه ايجابي .. يبتسم حتى لو انه ما يعرفك ! ناس
كثير بالجامعة ما اعرف حتى اسمائهم بس كل يوم ما شاء الله ابتسامتهم شاقه الخشة و
يصبحون علي و كذا .. اجمل ؟ ابسط ؟ ضرتنا ؟ نقصت مننا شي ؟ انا ما بجاوب انتوا الي
تقرون و بتجاوبون و تقررون اذا اي او لا!
بعدها
عاد نفكر اننا لو بغينا نغير شي للافضل .. رح نبدأ بانفسنا اول بعدين بغيرنا ،
ديننا فيه اشياء عظيمة كثير و ترا "الدين خُلق" !
* شكرًا زاك مع انه
زاك توفى سنة 2013 .. و شكرًا لكل شخص قاعد يلهمني من خلال الفيديوز الي باليوتيوب
او من خلال قصصهم الي اقراها بالكتب ، شكرًا لكم من القلب
-
نوف
الجابري
ليست هناك تعليقات:
إرسال تعليق